19 апрель санасида бошланган Ўзбекистон Суперлигаси 7-тур баҳсларига якун ясалди.
21 апрель санасида икки учрашув бўлиб ўтиши белгиланган эди.
Улардан биринчиси Қўқонда бўлиб ўтди. Унда мезбон «Қўқон-1912» жамоаси Осиё Чемпионлар Лигасидаги иштирокини якунлаб, бор эътиборини Суперлигасига қаратишга мажбур бўлган Қаршининг «Насаф» жамоасига қарши майдонга тушди. Ўйин томонларнинг 0:0 ҳисобидаги голсиз дуранги билан якунланди. Ўйин Sport-TV телеканали орқали жонли эфирда намойиш этилиши лозим эди.
«Championat.asia» нашри ўйин нима сабабдан жонли эфирда узатилмаганига аниқлик киритди.
Sport-TV телеканали ходими нашрга қуйидагича тушунтириш берган: «Афсуски, мамлакатимиздаги ҳамма стадионларда ҳам стадионлардан сигнал узатадиган оптик толали кабел йўқ. Қўқондаги стадион вилоят телевидениесидан узоқда жойлашган. Шу сабаб, бу янада қийинлашди. Бусиз ҳам тўлқин орқали жонли эфирга чиқса бўлади, аммо бундай қурилмалар сони саноқли бўлиб, улар бошқа тадбирларда банд. МТРК ва ПФЛ клублар билан бу борада амалий иш олиб боради ва насиб қилса барча стадионлар оптик толали кабел билан қамраб олинади».
Шунингдек, учрашувнинг 22 апрель санасида ёзиб олинган ҳолда намойиш этилиши маълум қилинган.
Турнинг сўнгги ўйини Тошкентда кечди. Осиё Чемпионлар Лигасидаги иштирокини эрта якунлашга мажбур бўлган жамоалардан яна бири Тошкентнинг «Локомотив»и ўз майдонида «Сўғдиёна» қарши майдонга тушди. Қаторасига бешта ғалабасиз ўйиндан сўнг янги мураббий — Андрей Фёдоров бошчилигидаги «Локомотив» ниҳоят ғалабага эришди.
Суперлига
7-тур беллашувлари
21 апрель, шанба
«Қўқон-1912» — «Насаф» 0:0
«Қўқон-1912»: 1.Ўткир Юсупов, 5.Ғиёс Комилов, 7.Жамшид Ҳасанов (96.Муҳаммаданас Ҳасанов, 81), 10.Жавоҳир Сидиқов, 17.Қувондиқ Рўзиев, 18.Баҳодир Пардаев (9.Носирбек Отақўзиев, 71), 19.Суҳроб Бердиев, 22.Мурод Холмуҳаммедов (с), 23.Александр Мерзляков, 55.Дарко Гожкович (95.Милан Спремо, 87), 65.Марко Милич.«Насаф»: 35.Санжар Қувватов, 4.Мақсуд Каримов (с), 6.Азизжон Ғаниев, 7.Одилжон Ҳамробеков, 10.Бобир Абдихолиқов, 22.Игорь Голбан, 27.Ислом Рашидхонов (20.Ислом Кенжабоев, 78), 31.Сайдулло Раҳматов, 55.Славко Лукич, 77.Жасур Ҳасанов, 92.Умарбек Эшмуродов.
Огоҳлантиришлар: Мурод Холмуҳаммедов 48, Славко Лукич 73.
«Локомотив» — «Сўғдиёна» 2:0
Голлар: 1:0 — 35 Сардор Рашидов. 2:0 — 54 Санжар Шоаҳмедов.«Локомотив»: Игнатий Нестеров, Бобурбек Йўлдошев, Кахи Maxарадзе (Садриддин Абдуллаев, 65), Марат Бикмаев, Сардор Мирзаев, Ҳусниддин Ғофуров (Диёр Туропов, 77), Санжар Шоаҳмедов, Сардор Рашидов (Азиз Омонов, 86), Шуҳрат Муҳаммадиев, Олег Зотеев, Игорь Йелич.
«Сўғдиёна»: Дилшод Ҳамроев, Элёр Орифов, Алишер Зиёвуддинов, Акмал Холмуродов, Азамат Исроилов, Дилмурод Каримов (Дониёр Ҳасанов, 55), Сардорбек Азимов, Шоҳруз Норхонов, Тоҳиржон Шамсиддинов, Жаҳонгир Абдумўминов (Иззат Абдуллаев, 68), Нурилло Тўхтасинов.
Огоҳлантиришлар: Марат Бикмаев 20, Ҳусниддин Ғофуров 75.
Изоҳ (0)