Payme “Onlayn qarz” va “Xalqaro pul o‘tkazmalari” xizmatlarini ishga tushirdi

Endi O‘zbekistonda 1 000 000 so‘mgacha onlayn qarz olish va Visa, Master Card hamda Mir kartalaridan xalqaro pul o‘tkazmalarini amalga oshirish mumkin.

19-aprel kuni Payme kompaniyasi har yili o‘tkazib kelinayotgan Bank Expo ko‘rgazmasida ishtirok etib, “Onlayn qarz” hamda “Visa, Master Card va Mir kartalarini qabul qiluvchi yangi xalqaro pul o‘tkazmalari xizmatlarini taqdim etdi.

Yangi xizmatlar taqtimot marosimida Payme asoschilari Sarvar Ruzmatov va Oleg Gevergeslar so‘zga chiqib, yig‘ilganlarga yangi imkoniyatlar haqida so‘zlashdi hamda ushbu xizmatlarni amalda yoqib berishdi.

“Biz bugungi kungacha uzoq tayyorgarlik ko‘rdik. Mana ushbu kunga ham yetib keldik. Avvalambor “Xalqaro pul o‘tkazmalari” xizmati haqida ikki og‘iz. Ortga nazar solsak, biz ikki yil oldin Uzcard foydalanuvchilari uchun “Kartadan kartaga pul o‘tkazish” xizmatini birinchilardan bo‘lib yo‘lga qo‘ygandik, va o‘shanda ushbu xizmatimiz orqali ko‘pchilikning e’tiboriga tushgandik. O‘shandan beri yuz minglab Payme foydalanuvchilari kartadan kartaga pul o‘tkazmalari xizmatidan foydalanib, uning qulayligiga baho berib kelmoqdalar. Bu ko‘pchilik uchun odatiy amallardan biriga aylanib ulgurdi, desak mubolag‘a bo‘lmaydi.

Mana bugun, ikki yil o‘tib biz ushbu xizmat imkoniyatlarini kengaytirmoqdamiz. Payme xalqaro pul o‘tkazmalarida Visa, Master Card va Mir kartalari qabul qilinadi. Endi yaqinlarga chet eldan pul yuborish yana ham osonlashdi. Qabul qiluvchi tomon Payme ilovasidagi “Pul so‘rash” menyusidan tanish va yaqinlariga taniqli messenjerlar yordamida so‘rov yuboradi. So‘rovni qabul qilgan yuboruvchi tomon, ilova orqali o‘tib, pul o‘tkazmasini amalga oshirishi mumkin. Yuborilgan pullar qabul qiluvchining bank plastik kartasiga tushadi. Shuningdek yuboruvchining o‘zi ham, ‘Payme.uz’ sayti, yoki mobil ilovamiz orqali xalqaro pul o‘tkazmasini amalga oshirishi mumkin. Ushbu xizmatning foydalanuvchilar uchun ahamiyatli tomoni albatta uning tezligi hamda vaqtni iqtisod qilishi bilan bog‘liq” — dedi Sarvar Ruzmatov.

“Onlayn qarz” xizmatining taqdimotini kompaniya asoschilaridan biri hamda texnik direktori Oleg Geverges o‘tkazdi.

Endi Payme ilovasida, “Pul so‘rash” bo‘limida foydalanuvchilar “Onlayn qarz olish”ga so‘rov yuborishlari mumkin. So‘rov yuborilgach, qarz oluvchining imkoniyatlari onlayn baholanadi. Baholash natijasiga ko‘ra foydalanuvchining kartasiga 50 000 so‘mdan 1 000 000 so‘mgacha miqdorda qarz 30 kungacha taqdim etiladi.

“Loyiha Aloqabank hamda Beeline bilan birgalikda boshlangan. Biz ro‘yxatda mavjud banklar hamda mobil aloqa operatorlari sonini oshirish ustida ishlayapmiz” - deb ta’kidladi kompaniya vakillari.

Payme ilovasini bu yerdan yuklab olish mumkin: https://payme.uz/getapp

Qo‘shimcha ma’lumotlar uchun telefon: +998 71 150-22-45

Reklama huquqi asosida