Энди Ўзбекистонда 1 000 000 сўмгача онлайн қарз олиш ва Visa, Master Card ҳамда Мир карталаридан халқаро пул ўтказмаларини амалга ошириш мумкин.
19 апрель куни Payme компанияси ҳар йили ўтказиб келинаётган Bank Expo кўргазмасида иштирок этиб, «Онлайн қарз» ҳамда «Visa, Master Card ва Мир карталарини қабул қилувчи янги халқаро пул ўтказмалари хизматларини тақдим этди.
Янги хизматлар тақтимот маросимида Payme асосчилари Сарвар Рузматов ва Олег Гевергеслар сўзга чиқиб, йиғилганларга янги имкониятлар ҳақида сўзлашди ҳамда ушбу хизматларни амалда ёқиб беришди.
«Биз бугунги кунгача узоқ тайёргарлик кўрдик. Мана ушбу кунга ҳам етиб келдик. Авваламбор «Халқаро пул ўтказмалари» хизмати ҳақида икки оғиз. Ортга назар солсак, биз икки йил олдин Uzcard фойдаланувчилари учун «Картадан картага пул ўтказиш» хизматини биринчилардан бўлиб йўлга қўйгандик, ва ўшанда ушбу хизматимиз орқали кўпчиликнинг эътиборига тушгандик. Ўшандан бери юз минглаб Payme фойдаланувчилари картадан картага пул ўтказмалари хизматидан фойдаланиб, унинг қулайлигига баҳо бериб келмоқдалар. Бу кўпчилик учун одатий амаллардан бирига айланиб улгурди, десак муболаға бўлмайди.
Мана бугун, икки йил ўтиб биз ушбу хизмат имкониятларини кенгайтирмоқдамиз. Payme халқаро пул ўтказмаларида Visa, Master Card ва Мир карталари қабул қилинади. Энди яқинларга чет элдан пул юбориш яна ҳам осонлашди. Қабул қилувчи томон Payme иловасидаги «Пул сўраш» менюсидан таниш ва яқинларига таниқли мессенжерлар ёрдамида сўров юборади. Сўровни қабул қилган юборувчи томон, илова орқали ўтиб, пул ўтказмасини амалга ошириши мумкин. Юборилган пуллар қабул қилувчининг банк пластик картасига тушади. Шунингдек юборувчининг ўзи ҳам, ‘Payme.uz’ сайти, ёки мобил иловамиз орқали халқаро пул ўтказмасини амалга ошириши мумкин. Ушбу хизматнинг фойдаланувчилар учун аҳамиятли томони албатта унинг тезлиги ҳамда вақтни иқтисод қилиши билан боғлиқ» — деди Сарвар Рузматов.
«Онлайн қарз» хизматининг тақдимотини компания асосчиларидан бири ҳамда техник директори Олег Гевергес ўтказди.
Энди Payme иловасида, «Пул сўраш» бўлимида фойдаланувчилар «Онлайн қарз олиш»га сўров юборишлари мумкин. Сўров юборилгач, қарз олувчининг имкониятлари онлайн баҳоланади. Баҳолаш натижасига кўра фойдаланувчининг картасига 50 000 сўмдан 1 000 000 сўмгача миқдорда қарз 30 кунгача тақдим этилади.
«Лойиҳа Алоқабанк ҳамда Beeline билан биргаликда бошланган. Биз рўйхатда мавжуд банклар ҳамда мобил алоқа операторлари сонини ошириш устида ишлаяпмиз» - деб таъкидлади компания вакиллари.
Payme иловасини бу ердан юклаб олиш мумкин: https://payme.uz/getapp
Қўшимча маълумотлар учун телефон: +998 71 150-22-45
Реклама ҳуқуқи асосида