Bugungi kunga kelib, axborot texnologiyalari, xususan internet shu qadar rivojlandiki, hatto oldi-sotdi jarayoni ham elektron tarzda amalga oshirilmoqda. Endilikda biror narsa xarid qilish uchun uydan chiqish shart emas, buning uchun shunchaki internet orqali buyurtma qilinsa kifoya! Biroq, internet orqali o‘z mahsulotini sotadigan tadbirkorlarni ko‘pincha buyurtmani o‘z egasiga qanday yetkazish o‘ylantiradi. Mahsulotni buyurtmachiga yetkazib berish yo‘lini topdingiz ham deylik, ammo real hayotda tanimaydigan, virtual mijozga buyurtmaning aniq yetkazilganiga qanday ishonch hosil qilish mumkin? Aynan mana shunday vaziyatlar uchun BTS EXPRESS pochta zamonaviy yechimni taklif qiladi. BTS EXPRESS pochta O‘zbekistonda birinchi marta mijozlarga jo‘natma o‘z vaqtida egasiga yetib borgani haqida fotohisobot beruvchi xizmat turini amaliyotga tadbiq etdi. Mazkur xizmat turi bir yildan oshiqroq muddat ichida sinovdan o‘tkazildi va foydalanuvchilarga manzur bo‘lib kelmoqda.
Fotohisobot qanday ishlaydi?
BTS EXPRESS pochta har bir mijoz uchun elektron ma’lumotlar bazasidan shaxsiy kabinet ochib beradi. Pochtani rasmiylashtirish jarayonida fotohisobot shartligini anglatuvchi maxsus belgi qo‘yiladi. Kuryer jo‘natmani o‘z egasiga topshirganidan so‘ng, uning smartfonidagi dastur oluvchini suratga tushirish kerakligi haqida eslatadi. Shu tarzda dastur jo‘natuvchiga pochtani ushlab turgan kishining suratini namoyish qiladi. Surat ostida esa pochtani qabul qilib olgan shaxsning elektron imzosi va sanasi aks etadi.
Fotohisobot nima uchun kerak?
Fotohisobot internet do‘konlari orqali amalga oshiriladigan tijoratlarda qo‘l keladi. Sababi, bir-birini faqat virtual ravishda taniydigan ikki kishi o‘rtasida oldi-sotdi jarayonida BTS EXPRESS pochta o‘ziga xos ko‘prik vazifasini bajaradi. Fotohisobot jo‘natuvchiga haqiqatdan ham pochta o‘z egasiga yetkazilganiga ishonch hosil qilishda yordam beradi.
Hozirga qadar O‘zbekistonda faoliyat yuritayotgan pochta xizmatlari orasida bu xizmat faqat BTS EXPRESS pochtada joriy etilgan. Eslatib o‘tamiz, butun dunyoga mashhur AMAZON internet do‘koni bu xizmat turini 2018-yil 1-mart sanasidan boshlab joriy etdi.
Bundan avval ham BTS EXPRESS O‘zbekistondagi pochtalar orasida ilk marta quyidagi texnologik qulayliklarni joriy qilgan edi:
- Pochta jo‘natmasi yetib borganligi haqidagi SMS-xabarnoma (2014)
- BTS EXPRESS dasturidan “Mijoz kabineti” xizmati (2015)
- Jo‘natmalarning online-nazorati (2016)
- Pochta xizmatida elektron imzoning joriy etilishi (2017)
- Bajarilgan ishlar dalolatnomasini (hisob-faktura) online yuklab olish (2017)
- Muhim jo‘natmalar uchun yetkazilganlik haqidagi foto ilovasi, imzosi elektron tizimda taqdim etilishi (2017)
BTS EXPRESS tezkor pochtasi haqida
BTS Express Cargo Servis MChJ 2009-yilda tashkil etilgan bo‘lib O‘zbekistonning turli hududlari va xorijga jo‘natmalar jo‘natish bilan shug‘ullanadi. Pochtaning doimiy mijozlari soni 5000 ga yaqin. Shuningdek, BTS EXPRESS 800 ga yaqin yuridik shaxslar bilan doimiy hamkorlik qiladi. Ushbu tezkor pochta qonunchilikda ruxsat berilgan istalgan turdagi jo‘natmalarni dunyoning turli nuqtasiga qisqa fursat ichida yetkazib beradi.
BTS EXPRESS pochta manzili:
Toshkent shahri Yakkasaroy tumani Bobur ko‘chasi 22-uy.
Web-sayt: www.bts.uz
e-mail: info@bts.uz
Facebook’dagi sahifasi: https://www.facebook.com/BTScargo.uz/
Telefonlar: (+99871) 253-70-79, (+99893) 505-25-60
Reklama huquqi asosida
Izoh (0)