International Expo Group kompaniyasi tomonidan tashkil etilgan xalqaro sanoat ko‘rgazmalari — umumiy g‘oya va rejaga ega mutaxassislar bir vaqtda, bir joyda!

Shu yil mart oyining oxirgi kunlarida “O‘zekspomarkaz”ning ikki pavilyonida bir qator sanoat ko‘rgazmalari o‘tkazildi. Ushbu ko‘rgazmalar tog‘-kon sanoati, metallurgiya, mashinasozlik, maxsus texnika, transport texnologiyalari, xavfsizlik, kimyo va qadoqlash kabi yo‘nalishlarni o‘z ichiga qamrab oldi.

Ko‘rgazmalarga quyidagi davlat tuzilmalari rasmiy ko‘mak ko‘rsatdilar:

O‘zbekiston Respublikasi Favqulodda vaziyatlar vazirligi;
O‘zbekiston Respublikasi Davlat geologiya va mineral resurslar qo‘mitasi;
O‘zbekiston Respublikasi Avtomobil yo‘llari davlat qo‘mitasi;
“O‘zkimyosanoat” aksiyadorlik jamiyati;
O‘zbekiston Respublikasi IIV Yong‘in xavfsizligi Bosh boshqarmasi;
O‘zbekiston Respublikasi IIV huzuridagi “Qo‘riqlash” birlashmasi;
Toshkent shahar Hokimligi;
Biznes logistikani rivojlantirish uyushmasi (BLRU).

Bu yorqin, keng ko‘lamli tadbir tashkilotchisi International Expo Group kompaniyasi.

Ko‘rgazmalar barcha jihatlarda — tashrif buyuruvchilar va oliy martabali mehmonlar sonidan boshlab, avtomobillar uchun audiotizimlar ishlab chiqarish va sotishga ixtisoslashgan ishtirokchi kompaniya tomonidan tayyorlangan lotereya, tomoshagacha taassurotlarga boy bo‘ldi. Uning yonidan o‘tayotgan mehmonlar o‘zlarini sariq avtomobillar, Grid Girls’dan jo‘shqin raqslar va albatta, baland ovozdagi sifatli musiqa yangraydigan sport poygalari dunyosiga tushib qolgandek his qildi.

Bevosita pavilyonlar ichidagi muhit esa osoyishta, rasmiy va jiddiy ruhda edi. Ko‘rgazma ishtirokchisi bo‘lgan ayrim kompaniyalar o‘z mahsulotini bojxona rasmiylashtiruvi va transportda olib kelish murakkabliklari bois, klassik uslubdagi stendlar, interaktiv kataloglar va mahsulotlarning 3D-modellari bilan cheklanishdi. Biroq, Xitoy, Hindiston va Turkiyaning ko‘rgazma ekspozitsiyalari o‘z loyihalarining keng ko‘lami bilan ajralib turdi.

Shuningdek, ko‘rgazmada quyidagi yirik xorijiy va mahalliy kompaniyalar ham faol ishtirok etishdi:

Novokramatorsk mashinasozlik zavodi (Ukraina);
“Avtodizel” OAJ (YaMZ) (Rossiya)
EVERDIGM (Janubiy Koreya);
NAFCCO FZCO (BAA);
“Bektemir metall konstruksiyalari” MChJ QK (O‘zbekiston);
“Koreya Innovatsion Texnologiyalari” MChJ (O‘zbekiston);
“O‘zbekximmash” zavodi (O‘zbekiston);
Avtoban Group — Chevrolet NIVA (O‘zbekiston);
UCD MICROS (O‘zbekiston)

va boshqa ko‘plab kompaniyalarni sanab o‘tish mumkin.

O‘zbekistonning “Olmaliq tog‘-metallurgiya kombinati” AJ va “Navoiy tog‘-metallurgiya kombinati” mutaxassislari ham ko‘rgazmaga tashrif buyurishdi. Ko‘rgazmaning uch kuni davomida yirik mahalliy sanoat korxonalari vakillari va mutaxassislari unda faol ishtirok etdi, xorijiy davlatlardan kelgan hamkasblari bilan suhbatlashdi, sanoat sohasidagi yangiliklar va bilimlari bilan bo‘lishishdi.

Ko‘rgazma doirasida Soft Line kompaniyasi tomonidan “IT-xavfsizlik” mavzusida seminar o‘tkazildi.

O‘zbekiston Respublikasining savdo-iqtisodiy va sanoat salohiyatining jadal o‘sishi natijasida mamlakatga ko‘plab xorijiy kompaniyalar diqqatini tortmoqda. Shu munosabat bilan, 2018-yilda International Expo Group tomonidan o‘tkazilayotgan ko‘rgazmalarda ishtirokchilar soni 40 foizga ortdi va 100 dan ortiq kompaniyalarni tashkil etdi. Ko‘rgazma ishtirokchilari geografiyasi ham diqqatga sazovor — O‘zbekiston, Rossiya, Qozog‘iston, Ukraina, Qirg‘iziston, Polsha, Germaniya, Hindiston, Xitoy, Slovakiya, Janubiy Koreya, BAA. Tadbirning uch kuni mobaynida O‘zbekiston, Ozarbayjon, Belarus, Bolgariya, Germaniya, Hindiston, Italiya, Qozog‘iston, Xitoy, Qirg‘iziston, Janubiy Koreya, Latviya, Polsha, Rossiya, Saudiya Arabistoni, AQSh, Tojikiston, Turkiya, Ukraina, Fransiya, Chexiya kabi mamlakatlardagi xorijiy va mahalliy kompaniyalardan 4400 nafar mutaxassis ishtirok etdi.

Ushbu statistika esa jahon sanoat korxonalarining O‘zbekistonda o‘tkazilayotgan ko‘rgazmalarda ishtirok etishga qiziqish bildirayotganidan dalolat bermoqda. Bir maydonda bir nechta asosiy yo‘nalishlarning to‘g‘ri tanlangan formati maksimal darajadagi foyda bilan turli sanoat vakillari o‘rtasida hamkorlikni kengaytirish uchun ishbilarmonlik muhitini qo‘llash imkoniyatini beradi.