Turkmaniston prezidenti Gurbanguli Berdimuhamedov 23-aprel, dushanba kuni O‘zbekistonga tashrif buyuradi. Bu haqda O‘zbekiston Prezidenti Shavkat Mirziyoyev 13-aprel kuni Sirdaryo viloyati Sayxunobod tumanida bo‘lib o‘tgan faollar yig‘ilishida ma’lum qildi, deya xabar bermoqda “Kun.uz”.
“Turkmaniston Prezidenti bilan katta muvaffaqiyatlarga erishmoqdamiz. Xudo xohlasa, Gurbanguli Berdimuhamedov dushanba (23-aprel) davlat tashrifi bilan O‘zbekistonga ham kelmoqda. Biz hamma davlatlar bilan do‘stlik, birodarlik, hamkorlikni mustahkamlaymiz”, — deb ta’kidlagan Shavkat Mirziyoyev.
Avvalroq, 9—10-aprel kunlari Ashxobodda O‘zbekiston va Turkmaniston Tashqi ishlar vazirliklari o‘rtasida siyosiy maslahatlashuvlar bo‘lib o‘tgani, unda prezident Berdimuhamedovning O‘zbekistonga bo‘lajak tashrifining kun tartibi muhokama qilingani ma’lum bo‘lgan edi.
Izoh (0)