11-aprel kuni Moskvada O‘zbekiston va Rossiya aviatsiya ma’murlarining muzokaralari bo‘lib o‘tdi, deb yozadi Spot Rossiya transport vazirligiga tayanib.
Muzokaralar davomida Rossiya va O‘zbekiston aviatashuvchilari uchun reyslar sonini ikki martadan ko‘proq oshirish haqida kelishuvga erishildi, kelishilgan yo‘nalishlar uchun tijorat huquqlarini kengaytirish bo‘yicha yo‘l xaritasi imzolandi.
Avvalroq O‘zbekiston va Rossiya reyslarni ko‘paytirish haqida kelishib ololmayotgani xabar berilgan edi.
Rossiya belgilangan aviakompaniyalarga chastotalarni erkin tanlash huquqini berishni taklif qilgan, ammo O‘zbekiston dastlab hukumatlararo bitimlarda yozib qo‘yilgan kelishilgan liniyalardagi parvozlar sonini aniqlashtirib olishni taklif etgan.
Rossiya Moskvadan Samarqand va Buxoroga bir haftalik reyslar sonini (har bittasini) 14 tagacha ko‘paytirmoqchi bo‘lgan, ammo O‘zbekiston tegishli ravishda o‘nta va beshta reysni taklif qilgan.
Shuningdek, Rossiya Moskvadan Farg‘ona va Namanganga beshtadan reys yo‘lga qo‘yilishini istagan, O‘zbekiston esa uch va to‘rtta reysni taklif etgan. Rossiya Sankt-Peterburgdan Toshkent va Samarqandga yettita reysni yo‘lga qo‘ymoqchi bo‘lgan, O‘zbekiston esa beshtasini taklif etgan.
Izoh (0)