“Mahalliy va xalqaro yo‘nalishlar bo‘yicha temir yo‘l transportida yo‘lovchilarni hamda yuklarni tashish faoliyatini litsenziyalash tartibini takomillashtirish chora-tadbirlari to‘g‘risida”gi Hukumat qarori (VMQ-278, 09.04.2018-y.) qabul qilindi. Bu haqda O‘zbekiston Adliya vazirligining “Huquqiy axborot” Telegram-kanalida ma’lum qilindi.
Qarorga ko‘ra:
- mahalliy va xalqaro yo‘nalishlar bo‘yicha temir yo‘l transportida yo‘lovchilarni hamda yuklarni tashish faoliyatini litsenziyalash Temir yo‘llarda yuk va yo‘lovchilar tashish xavfsizligini nazorat qilish davlat inspeksiyasi tomonidan amalga oshiriladi;
- mahalliy va xalqaro yo‘nalishlar bo‘yicha temir yo‘l transportida yo‘lovchilarni hamda yuklarni tashish faoliyati faqat yuridik shaxslar tomonidan amalga oshiriladi;
- mahalliy va xalqaro yo‘nalishlar bo‘yicha temir yo‘l transportida yo‘lovchilarni va yuklarni tashish faoliyatini amalga oshirish huquqi uchun namunaviy (oddiy) litsenziyalar beriladi.
- mahalliy yo‘nalishda yo‘lovchilar tashish;
- xalqaro yo‘nalishda yo‘lovchilar tashish;
- mahalliy yo‘nalishda yuklar tashish;
- xalqaro yo‘nalishda yuklar tashish.
Izoh (0)