O‘zbekiston AQSh bilan harbiy sohada hamkorlik qilishga tayyorligini bildirdi

O‘zbekiston qurolli kuchlarni modernizatsiya qilish sohasida AQSh bilan harbiy-texnik hamkorlikni davom ettiradi, mamlakat Prezidenti Shavkat Mirziyoyevning tegishli qarori milliy qonunchilik bazasida 9-aprel, dushanba kuni e’lon qilindi, deb yozadi Sputnik.

Shavkat Mirziyoyev O‘zbekistonning asosiy xorijiy hamkorlari bilan tashqi siyosiy va tashqi iqtisodiy hamkorlikni rivojlantirish bo‘yicha o‘rta muddatga belgilangan ustuvor yo‘nalishlarni tasdiqlagan.

“O‘zbekiston Respublikasi tashqi siyosatining muhim yo‘nalishlaridan biri Amerika Qo‘shma Shtatlari bilan o‘zaro manfaatli va ko‘pqirrali hamkorlikni rivojlantirishdir… Harbiy-texnik hamkorlik, harbiy ta’lim sohasida va kadrlarni tayyorlash bo‘yicha hamkorlikni davom ettirish rejalashtirilmoqda”, — deyiladi hujjat matnida.

Hujjatga muvofiq, O‘zbekiston fan va texnika, iqtisodiyotni modernizatsiya qilish masalalarida AQSh bilan aloqalarni faollashtirishni rejalashtirmoqda. Respublika shuningdek YeIda hamkorlik va sheriklik bo‘yicha kengaytirilgan bitimni tuzish, xorijiy investitsiyalar bo‘yicha O‘zbekiston-Yevropa kengashini tashkil qilishni rejalashtirmoqda, deyilgan hujjat matnida.

“O‘zbekiston Yevropa Ittifoqi bilan, Yevropaning old davlatlari bilan, xususan, Germaniya, Italiya, Fransiya va Buyuk Britaniya bilan, shuningdek Markaziy va Sharqiy Yevropa davlatlari bilan hamkorlikni chuqurlashtirish va kengaytirishdan manfaatdor”, — deb ta’kidlangan qarorda.