Toshkent shahrida biznes-aviatsiya aeroporti qurilishiga 140 million dollar yo‘naltiriladi. Bu haqda Spot xabar bermoqda.
2018—2020-yillarda soatiga 250 kishiga xizmat qiladigan yo‘lovchi terminali quriladi, uchish-qo‘nish maydoni ta’mirlanadi, parvozlar radiotexnik ta’minoti va aerodrom faoliyati uchun zarur xizmatlar ishga tushiriladi.
Bu ishlarning qiymati 140 million dollar baholanmoqda. Moliyalashtirish xorijiy moliya institutlari kreditlari va loyiha buyurtmachisi — “O‘zbekiston temir yo‘llari” mablag‘i hisobidan amalga oshiriladi.
Keyinchalik aeroportda qo‘shimcha bino va inshootlar, jumladan, mehmonxona quriladi.
Eslatib o‘tamiz, oldinroq “Toshkent-Sharqiy aerodromi” va “Toshkent mexanika zavodi” (sobiq TAPOiCh) hududining bir qismi “O‘zbekiston temir yo‘llari”ga berilgani bildirilgandi.
Izoh (0)