AQSh rasmiylari Vashingtondan 46 nafar, Nyu-Yorkdan ikki nafar rossiyalik diplomatni chiqarib Moskvaga qaytarib yuborishga qaror qildi. Bu haqda “RIA Novosti” xabar bermoqda.
Gap Vashingtondagi elchixona hamda Nyu-Yorkdagi bosh konsullik xodimlari haqida ketmoqda.
Mazkur qaror Buyuk Britaniyada rossiyalik sobiq agent Sergey Skripalning zaharlab o‘ldirilishi bilan bog‘liq. Aytilishicha, bu qarorni Donald Trampning shaxsan o‘zi ma’qullagan.
Shuningdek, Rossiyaning Sietldagi bosh konsulligi 30-mart kuni yopiladigan bo‘ldi.
O‘z navbatida, Kanada ham Buyuk Britaniya bilan birdamlik ramzi o‘laroq Rossiya elchixonasi va bosh konsulligidan jami to‘rt nafar diplomatni chiqarib yuborishga qaror qildi.
Izoh (0)