“Olmaota — Bishkek —Toshkent— Termiz” avtomobil yo‘lining 806-871 kilometlari oralig‘ida (Toshkent shahri chegarasidan Sirdaryo viloyati hududigacha) yangi namunadagi maxsus avtomatlashtirilgan fotoradar uskunalari o‘rnatilib, sinov rejimida ishga tushirilgandi. Bu haqda O‘zA
xabar berdi.
Foto: O‘zA— Texnik vositalar sinovdan muvaffaqiyatli o‘tdi. 16-fevraldan qoidabuzarliklar ro‘yxatga olinib, haydovchilarga nisbatan ma’muriy bayonnomalar rasmiylashtirila boshlandi, — deydi Toshkent viloyati IIB YHXB matbuot xizmati katta inspektori Otajon O‘rinboyev. — Uskunalar rasman ishga tushgani haqida OAV orqali haydovchilarni ogohlantirishimizga qaramasdan, 16-fevraldan 13-martga qadar 29400 dan ortiq haydovchi belgilangan tezlik talabini buzgan.
Ular kimlar va qaysi viloyat haydovchilari ko‘proq qoida buzgan, degan savolga quyidagicha javob berildi.
Davlat raqami Toshkent shahriga tegishli bo‘lgan avtomobil egalari eng ko‘p qoida buzgan: 10497 holatda belgilangan tezlik talabiga rioya etilmagan. 5906 qoidabuzarlik bilan Toshkent viloyati haydovchilari 2-o‘rinda.
Keyingi o‘rinlarda Samarqand (2976), Qashqadaryo (2258), Jizzax (2109), Sirdaryo viloyati (2090), Surxondaryo (1084), Buxoro (695), Xorazm (430), Navoiy (411), Qoraqalpog‘iston Respublikasi (295), Farg‘ona (262), Andijon (226) va Namangan (182) haydovchilari qayd etilgan.
Toshkent viloyati IIB YHXB bu yo‘lda belgilangan tezlik talabini muntazam buzib, jarima to‘lamay kelayotgan haydovchilar ro‘yxatini e’lon qildi.
Izoh (0)