Qoraqalpog‘istonlik qilichboz Zaynab Dayibekovaga 79 kun ichida ikkita avtomobil sovg‘a qilindi. Bu haqda O‘zbekiston Yoshlar ittifoqi markaziy kengashi raisi Qahramon Quronboyev Facebook’dagi sahifasida ma’lum qildi.
Prezident Shavkat Mirziyoyev o‘tgan yilning 15-16 dekabr kunlari Qoraqalpog‘istonga amalga oshirgan tashrifi davomida qilichbozlik bo‘yicha xalqaro turnirlar sovrindori Zaynab Dayibekovaga Nexia mashinasini sovg‘a qilgandi. Yil yakunlariga ko‘ra, u O‘zbekistonda yilning eng yaxshi qilichbozi sifatida e’tirof etildi.
Zaynab Dayibekova 22-fevral—5-mart kunlari Dubayda o‘tkazilgan Osiyo chempionatida bronza medalini qo‘lga kiritdi. Nufuzli musobaqada erishgan ushbu natijasi uchun sportchiga Spark avtomobili topshirildi.
Izoh (0)