Moskvada fotosessiya uchun noqonuniy foydalanilgan ikki oylik sher bolasi hayvonot bog‘iga topshirilishi mumkin, deb yozmoqda “RIA Novosti”.
Moskvaning shimoli-g‘arbida tegishli hujjatlarsiz foydalanilgan sher bolasi olib qo‘yilgan. Hayvon Dmitrov tumanidagi saqlab turish markaziga veterinarlar nazorati uchun jo‘natilgan.
Markazga yuborilgan sher bolasi ayni paytda karantinda turibdi. Uning holati yaxshi va ovqatlanishi me’yorda. Hayvonni 40 kunlik karantindan keyin “mehribon qo‘llarga” topshirish rejalashtirilmoqda.
Izoh (0)