O‘zbekiston to‘liqsiz bir yilda Ukraina iqtisodiyotiga 14 mln dollar investitsiya kiritdi

O‘zbekistonning Ukraina iqtisodiyotiga kiritgan investitsiyalari hajmi, 2017-yilning oktabr oyi holatiga ko‘ra, 14 million dollarni tashkil etgan.

Bu haqda, Ukrainaning O‘zbekistondagi elchisi Yuriy Savchenkoga asoslanib, “Jahon” axborot agentligi xabar bermoqda.

“So‘nggi bir necha yillardan beri mazkur ko‘rsatkich 1 million dollar atrofida bo‘lib qolayotgan edi”, — deya qayd etdi Ukraina elchisi.

Ayni vaqtda, Ukrainaning O‘zbekistonga kiritgan investitsiyalari hajmi 51 ming dollar miqdorida bo‘lib turibdi.

Ukraina elchisining qayd etishicha, investitsiyalar hajmi bo‘yicha raqam aslida bundan yuqori, biroq ukraina sarmoyalarining aksariyati uchinchi davlatlar orqali kiritilmoqda.

Avvalroq 2017-yil davomida Ukrainadan O‘zbekistonga 9,4 million dollar miqdorida pul o‘tkazilgani haqida xabar berilgan edi.