Ўзбекистоннинг Украина иқтисодиётига киритган инвестициялари ҳажми, 2017 йилнинг октябрь ойи ҳолатига кўра, 14 миллион долларни ташкил этган.
Бу ҳақда, Украинанинг Ўзбекистондаги элчиси Юрий Савченкога асосланиб, «Жаҳон» ахборот агентлиги хабар бермоқда.
«Сўнгги бир неча йиллардан бери мазкур кўрсаткич 1 миллион доллар атрофида бўлиб қолаётган эди», — дея қайд этди Украина элчиси.
Айни вақтда, Украинанинг Ўзбекистонга киритган инвестициялари ҳажми 51 минг доллар миқдорида бўлиб турибди.
Украина элчисининг қайд этишича, инвестициялар ҳажми бўйича рақам аслида бундан юқори, бироқ украина сармояларининг аксарияти учинчи давлатлар орқали киритилмоқда.
Аввалроқ 2017 йил давомида Украинадан Ўзбекистонга 9,4 миллион доллар миқдорида пул ўтказилгани ҳақида хабар берилган эди.
Изоҳ (0)