Andijon viloyati hokimligi va Hindiston rasmiylari viloyat hududida farmatsevtika, biofarmatsevtika mahsulotlari va tibbiy uskunalar ishlab chiqarish sohasida hamkorlik qilish borasida kelishib oldi. Bu haqda, Pharmabiz’ning Mumbaydagi mintaqaviy bo‘linmasiga asoslanib, Spot xabar bermoqda.
Bundan tashqari, tomonlar viloyat hududida o‘zbek-hind erkin farmatsevtika zonasini tashkil etish masalasida birgalikda ishlash va loyihaning biznes-rejasini hamkorlikda tayyorlashga ham kelishib olgan.
O‘zbekistonda tayyorlangan xomashyo asosida qo‘shilgan qiymati yuqori farmatsevtika mahsulotlari va dori vositalarini ishlab chiqarish quvvatlarini ishga tushirish uchun hind kompaniyalarining to‘g‘ridan-to‘g‘ri investitsiyalari va mahalliy investorlarni jalb etish uchun tomonlar birgalikda harakat qiladi.
Avvalroq Toshkentda O‘zbek-hind tadbirkorlik markazi tashkil etilishi haqida xabar berilgan edi.
Izoh (0)