Surxondaryo viloyati Jarqo‘rg‘on tumanidagi Soqchi mahallasida yashovchi Qaytmas Ayig‘ov ichki ishlar idorasiga murojaat etib, (ism-shariflar o‘zgartirilgan) 2013-yil dekabr oyida denovlik A’zam Azamatovga Buxoro davlat tibbiyot institutiga qo‘shimcha kontrakt asosida o‘qishga kiritib qo‘yish sharti bilan bergan 70 million so‘m pulini qaytarib ololmayotganini ma’lum qilgan, deb xabar berdi O‘zA.
Murojaat yuzasidan olib borilgan tezkor-surishtiruv ishlari chog‘ida aniqlanishicha, Qaytmas Ayig‘ov 2013-yil dekabr oyida denovlik A’zam Azamatov bilan tanishib qolgan. 32 yoshdagi bu shaxs o‘zini Toshkent shahrida diniy ekstremizm bo‘yicha Milliy xavfsizlik xizmatida ishlayman, deb tanishtirgan. Gap orasida Buxoro davlat tibbiyot institutining test sinovlaridan yetarli ball to‘play olmagan Qaytmas Ayig‘ovning qo‘shimcha kontrakt asosida o‘qish uchun hujjat topshirganini eshitib, yigirma yoshdagi abituriyentning ishonchiga kirib, unga Buxoro shahridagi hamkasb do‘stlari orqali yordam berishini aytgan. Buning evaziga xarajatlari uchun naqd 70 million so‘m pulini aldov yo‘li bilan olgan.
Ayni vaqtda mazkur ish yuzasidan surishtiruv ishlari olib borilmoqda.
Izoh (0)