uTorrent’da yuklashlarni masofadan boshqarishga imkon beruvchi zaiflik aniqlandi

Google xavfsizlik tadqiqotchisi Tevis Ormando ommabop uTorrent torrent-mijozida zaiflik borligi haqida ma’lum qildi. Zaiflik kompyuterdagi fayllarni masofadan boshqarishga va yuklashlar tarixini ko‘rishga imkon beradi. Bu haqda TJournal xabar berdi.

uTorrent foydalanuvchisi zararli saytga kirsa, buzg‘unchilar torrent-mijoz orqali fayllarni boshqarish imkonini qo‘lga kiritadi. Tadqiqotchining so‘zlariga ko‘ra, brauzerda ochiq bo‘lgan har qanday sayt yuklashlarni boshqara oladi va ularning tarixini ko‘rishi mumkin bo‘ladi.

uTorrent yaratuvchilari bu zaiflik haqida xabardor va uTorrent Web ning Windows uchun mo‘ljallangan sinov talqinida bu kamchilikni bartaraf etgan.