Noma’lum xakerlar Amazon bulut xotira xizmatidagi Tesla akkauntini buzdi. Ular xotiradan hech narsa o‘g‘irlamagan, balki uni kriptovalyuta mayningi uchun sozlagan. Bu haqda TJournal xabar berdi.
Hujum haqida xabar qilgan Redlock mutaxassislari Tesla’ga hujumni yanvar oyida aniqlagan edi. Ular ma’lumotlarni ochiq foydalanish uchun e’lon qilgan Amazon Web Services akkauntining egasini izlagan. Aniqlanishicha, axborot Maskning kompaniyasidan sizib chiqqan.
Xakerlar bulut dasturlarini optimallashtirish uchun mo‘ljallangan Kubernetes konsoli yordamida Tesla’ga kirish imkonini topgan. Xotira parol bilan himoyalanmagan bo‘lgan va u yerda kompaniya akkauntlarining ma’lumotlari saqlangan.
Redlock bu haqda Tesla’ga darhol xabar bergan va kompaniya nosozlikni bartaraf etgan, hech qanday zarar ko‘rmagan.
Izoh (0)