O‘zbekistonning Samarqand viloyati bilan Tojikistonning So‘g‘d viloyatini bog‘lab turuvchi “Sarazm-Jartepa” nazorat punktidagi devor buzib tashlandi. Bu haqda “Xalq so‘zi” xabar bermoqda.
Devorni buzish marosimida har ikki davlat chegarachilari delegatsiyalari ishtirok etdi. Ikki davlat sarhadidagi mazkur to‘siq 2010-yilda qurilgan bo‘lib, balandligi 3, uzunligi 10 metrga teng edi.
Tojikiston rasmiylariga ko‘ra, mazkur punktda terminal, mehmonxona va avtoturargoh barpo qilinadi.
Tojikistonlik jurnalist Shohin Ravshan punkt ochilishi kelgusi oy o‘rtalariga mo‘ljallangani, ayni paytda Panjikentda Navro‘zga tayyorgarlik ko‘rilayotgani, bayram tadbirlariga O‘zbekistondan mehmonlar kelishi kutilayotganini bildirdi.
Izoh (0)