Microsoft kompaniyasi asoschisi va sayyoraning eng badavlat kishisi Bill Geyts “Ellen Dejeneres shousi” komedik ko‘rsatuvida ishtirok etdi, deb xabar beradi “Gazeta.ru”.
Milliarderdan Amerika do‘konlarida sotilayotgan mahsulotlar narxini topishni so‘rashdi.
Geytsga AQShdagi istalgan do‘kondan topish mumkin bo‘lgan beshta mahsulot narxini topish talabi qo‘yildi.
Bular: Rice-A-Roni (guruch, vermishel va ziravorli taom), Tide kir yuvish vositasi, tish tozalashda qo‘llaniluvchi ip, yarim tayyor mahsulotlar, pishloqli likopcha.
Milliarder anchadan buyon do‘konga bormaganini aytib, mahsulotlar narxini topishga urindi. U zaldagi tomoshabinlar ko‘magisiz beshta mahsulotdan ikkitasining ya’ni pishloqli likopcha va tish tozalovchi ipning narxini topdi. Boshqa hollarda esa u narxlarni o‘ta oshirib, yoki kamaytirb aytdi. Umuman olganda, milliarder oziq-ovqat mahsulotlarining narxi arzonligidan hayratlandi.
Izoh (0)