AQShlik siyosatchi: KXDR yadro qurolini Koreya Respublikasini bosib olish uchun ishlab chiqmoqda

KXDR Koreya Respublikasini egallab olish uchun yadro qurolini ishlab chiqmoqda. Bu haqda AQShning BMTdagi sobiq doimiy vakili Jon Bolton aytib o‘tdi, deb yozadi “TASS”.

“Shimoliy Koreya yadro dasturini faqat o‘z-o‘zini mudofaa qilish uchun rivojlantirayotgani yo‘q. Ular hamon Koreya yarim orolini o‘z nazorati ostida birlashtirishni istayapti”, — dedi Bolton.

Sobiq doimiy vakil fikricha, ixtiyorida AQShning qit’a qismiga yetib borishga qodir yadroviy jangovar kallaklar bo‘lgani holda, KXDR jazosiz tarzda Koreya Respublikasiga bostirib kirishni boshlashi mumkin, chunki ushbu holatda u Amerika tomonidan qarshi hujumdan xavfsiramaydi.

Xavfsizlik sohasidagi ekspert Kim Yon Sik aniqlik kiritishicha, Pxenyan tomonidan jangovar harakatlar boshlangan taqdirda, AQSh rahbariyati o‘z ittifoqdoshini qo‘llab-quvvatlash va Vashingtonga yoki boshqa yirik shaharlarga yadro zarbasini olish imkoniyati o‘rtasida tanlovni amalga oshirishi kerak bo‘ladi. “Tanlov Seulning foydasiga bo‘lishiga ishonchim komil emas”, — dedi u.