Papua — Yangi Gvineya anglikan cherkovi rahbari arxiyepiskop Allan Migi jodugarlikda gumon qilingan odamlarning o‘ldirilishini tanqid qilib nutq so‘zladi. Uning so‘zlariga ko‘ra, bunday voqealar so‘nggi vaqtlarda ko‘payib ketgan, deb yozadi ACNS.
“Mamlakatimizda qonun ustuvor. Kimdir noto‘g‘ri ish qilayotganini sezsak, bu haqda qonun xizmatchilariga ma’lum qilishimiz mumkin. Qonunbuzar qo‘lga olinib, javobgarlikka tortilishi, sudlanib, qamalishi mumkin”, — dedi Allan Migi.
O‘tgan hafta BMT inson huquqlari bo‘yicha oliy komissari Zayd Raad al Husayn jodugarlikda gumon qilingan odamlarning qatl qilinishi Papua — Yangi Gvineyada jiddiy muammoga aylanganini aytgandi.
Jodugarlik haqidagi qonun mamlakatda 1971-yilda qabul qilingan bo‘lib, unga muvofiq, jodugarlikni amalda qo‘llayotgan odam jinoyatchi hisoblanadi, uning qotillari sudlanish chog‘ida esa ushbu faktdan yumshatuvchi vaziyat sifatida foydalanishi mumkin.
Izoh (0)