Папуа — Янги Гвинея англикан черкови раҳбари архиепископ Аллан Миги жодугарликда гумон қилинган одамларнинг ўлдирилишини танқид қилиб нутқ сўзлади. Унинг сўзларига кўра, бундай воқеалар сўнгги вақтларда кўпайиб кетган, деб ёзади АCNС.
«Мамлакатимизда қонун устувор. Кимдир нотўғри иш қилаётганини сезсак, бу ҳақда қонун хизматчиларига маълум қилишимиз мумкин. Қонунбузар қўлга олиниб, жавобгарликка тортилиши, судланиб, қамалиши мумкин», — деди Аллан Миги.
Ўтган ҳафта БМТ инсон ҳуқуқлари бўйича олий комиссари Зайд Раад ал Ҳусайн жодугарликда гумон қилинган одамларнинг қатл қилиниши Папуа — Янги Гвинеяда жиддий муаммога айланганини айтганди.
Жодугарлик ҳақидаги қонун мамлакатда 1971 йилда қабул қилинган бўлиб, унга мувофиқ, жодугарликни амалда қўллаётган одам жиноятчи ҳисобланади, унинг қотиллари судланиш чоғида эса ушбу фактдан юмшатувчи вазият сифатида фойдаланиши мумкин.
Изоҳ (0)