Silverstone kimoshdi uyi 1969-yilda ishlab chiqarilgan Dodge Charger avtomobilini sotuvga qo‘yadi. Mazkur avtomobil bunga qadar aktyor Bryus Uillis va Jamiroquai guruhining solisti Jey Keyga tegishli bo‘lgan. Kupening narxi 50—60 ming funt sterlingga baholanmoqda, deb xabar berdi “Motor”.
Sotuvga qo‘yilgan Dodge Charger’ni Uillisga uning birinchi rafiqasi — Demi Mur sovg‘a qilgandi. Sakkiz yil oldin avtomobilni Jey Key sotib olgan va uni AQShga olib ketgan. Bu yerda Dodge bir qancha o‘zgarishlarga uchragan.
Avtomobilga 8,2 litrli V8 dvigateli o‘rnatilgan bo‘lib, uch pog‘onali avtomatik transmissiya yordamida harakatlanadi. Uni o‘rnatish va modernizatsiya qilish uchun Jey Key 24 ming funt sarflagan.
Izoh (0)