Xitoyning shimolidagi Xebey provinsiyasida suyultirilgan tabiiy gaz tashuvchi avtomobil yonib ketdi. Dastlab yuk avtomobili boshqaruvni yo‘qotgan va ag‘darilib ketgan. Uning sisternasiga zarar yetgan va qaynoq modda yo‘l bo‘ylab to‘kilgan. Bu haqda TJournal xabar berdi.
Videoregistratorda olingan tasvirda ko‘rinadiki, ko‘k rangli avtomobil gaz to‘kilgan joyga qarab yurgach, portlash yuz bergan. Alanga bir necha o‘n metrga cho‘zilgan va yana bitta avtombilga “hamla qilgan”.
Mahalliy OAVlar xabariga ko‘ra, yuk mashinasi haydovchisining tanasi 50 foizga kuygan. Ko‘k avtomobil haydovchisi esa badanning 10 foizi kuyishi bilan kasalxonaga tushgan. Hodisaning boshqa ishtirokchilari yengil jarohat olgan. Olov tezkorlik bilan o‘t o‘chiruvchilar tomonidan o‘chirilgan, biroq uchta avtomobil to‘liq yonib ketgan.
Izoh (0)