Qibray tumanidagi Do‘rmon madaniyat saroyida ozodlikka chiqarilgan hamda jazoni ijro etish muassasalaridan muddatini o‘tab qaytgan diniy ekstremistik va terroristik oqimlarga daxldor bo‘lgan Qibray, Bo‘stonliq, Toshkent tumanlari, Chirchiq shahrida yashovchi shaxslar va ularning oila a’zolari ishtirokida tadbir o‘tkazildi. Bu haqda O‘zA xabar bermoqda.
Viloyat hokimligi tomonidan tashkil etilgan tadbirda huquq-tartibot idoralari xodimlari, viloyat bandlik bosh boshqarmasi, “Mahalla” xayriya jamoat fondi, “Nuroniy” jamg‘armasi viloyat bo‘limlari va Yoshlar ittifoqi viloyat kengashi vakillari ishtirok etdi.
Tadbirda tashkilotchilar tomonidan afv etilgan va jazo muddatini o‘tab qaytgan shaxslarning bandligini ta’minlash yuzasidan bir qator vazifalar belgilab olindi. Viloyat sog‘liqni saqlash boshqarmasi tomonidan salomatligidan shikoyat qilgan shaxslar tibbiy ko‘rikdan o‘tkazildi.
Shuningdek, fuqarolik pasportini yo‘qotganlarga uni qayta olishga ko‘maklashish va boshqa masalalarni tizimli ravishda hal qilish bo‘yicha fikr almashildi.
Izoh (0)