Namanganda soliq qonunchiligidagi yangiliklarni jamoatchilikka yetkazishda OAV bilan hamkorlik masalalariga bag‘ishlangan davra suhbati bo‘lib o‘tdi. Bu haqda O‘zA xabar bermoqda.
— Davlat rahbari tashabbusi bilan joriy yilda soliqqa tortishni soddalashtirish, soliq yukini kamaytirish orqali ishlab chiqarish va soliqqa tortiladigan bazani kengaytirish masalalariga alohida e’tibor qaratilmoqda, — deydi viloyat davlat soliq boshqarmasi boshlig‘ining birinchi o‘rinbosari Anvar Sattorov. — 2018-yilda korxona va tashkilotlar zimmasidagi soliq yukining kamayishi natijasida birgina Namangan viloyatida qariyb 100 milliard so‘mdan ko‘proq mablag‘ korxonalar ixtiyorida qolishi kutilmoqda.
Anjumanda soliq qonunchiligidagi yangiliklarni jamoatchilikka yetkazishda faol ishtirok etgan OAV vakillariga viloyat davlat soliq boshqarmasining tashakkurnomasi topshirildi.
Izoh (0)