2018-yilda Sirdaryo viloyati tibbiyot muassasalari uchun dori-darmon vositalari va tibbiyot buyumlarini xarid qilish xarajatlari uchun viloyat mahalliy budjet mablag‘lari hisobidan 18,2 millard so‘m yoki o‘tgan yilga nisbatan 4 barobar ko‘proq mablag‘ moliyalashtirish rejalashtirildi. Bu haqda Sirdaryo viloyati hokimligi moliya boshqarmasi axborot xizmati xabar bermoqda.
Misol uchun viloyat onkologiya shifoxonasida davolangan bemorga 2017-yilda bir kunda 10 805 so‘mdan dori-darmon xarajatlariga ajratilgan bo‘lsa, 2018-yilda ushbu ko‘rsatkich 29 981 so‘mni, shoshilinch tibbiy yordam respublika ilmiy markazi viloyat filialida davolangan bemorga 2017-yilda bir kunda 6330 so‘mdan dori-darmon xarajatlariga ajratilgan bo‘lsa, 2018-yilda ushbu ko‘rsatkich 31 225 so‘mni, viloyat bolalar ko‘p tarmoqli tibbiyot markazida davolangan bemorga 2017-yilda bir kunda 4146 so‘mdan dori-darmon xarajatlariga ajratilgan bo‘lsa, 2018-yilda ushbu ko‘rsatkich 15 936 so‘mni tashkil etadi.
Bundan tashqari, tez tibbiy yordam markazlariga 2018-yilda dori-darmon uchun ajratilgan mablag‘ 1,7 milliard so‘mni tashkil etib, bitta chaqiriqqa 5 ming so‘mdan kam bo‘lmagan miqdorda mablag‘ ko‘zda tutildi va bu ko‘rsatkich o‘tgan yilga nisbatan 3 500 ming so‘mga ko‘tarilgan.
Viloyatdagi OIV infeksiyasi tarqalishiga qarshi kurashish bo‘yicha 2018-yil uchun tasdiqlangan chora-tadbirlar rejasi asosida Sirdaryo viloyati OITSga qarshi kurashish markazining poliklinikasi va epidemiologiya bo‘limlari joylashgan binosini ichki qismini ta’mirlash va issiqlik tizimini yaxshilash uchun mahalliy budjet mablag‘lari hisobidan 400,0 million so‘m mablag‘ yo‘naltiriladi.
Shuningdek, chora-tadbirlar rejasi asosida 2018-yilda OITSga karshi kurashish markazi va tumanlararo OIV diagnostika laboratoriyalarini OIV infeksiyasi diagnostikasi uchun 3—4 avlod test-sistemalari bilan ta’minlash uchun shartnoma asosida to‘liq mahalliy budjet mablag‘lari hisobidan mablag‘ ajratilishi ko‘zda tutilgan.
Izoh (0)