2018 йилда Сирдарё вилояти тиббиёт муассасалари учун дори-дармон воситалари ва тиббиёт буюмларини харид қилиш харажатлари учун вилоят маҳаллий бюджет маблағлари ҳисобидан 18,2 миллард сўм ёки ўтган йилга нисбатан 4 баробар кўпроқ маблағ молиялаштириш режалаштирилди. Бу ҳақда Сирдарё вилояти ҳокимлиги молия бошқармаси ахборот хизмати хабар бермоқда.
Мисол учун вилоят онкология шифохонасида даволанган беморга 2017 йилда бир кунда 10 805 сўмдан дори-дармон харажатларига ажратилган бўлса, 2018 йилда ушбу кўрсаткич 29 981 сўмни, шошилинч тиббий ёрдам республика илмий маркази вилоят филиалида даволанган беморга 2017 йилда бир кунда 6330 сўмдан дори-дармон харажатларига ажратилган бўлса, 2018 йилда ушбу кўрсаткич 31 225 сўмни, вилоят болалар кўп тармоқли тиббиёт марказида даволанган беморга 2017 йилда бир кунда 4146 сўмдан дори-дармон харажатларига ажратилган бўлса, 2018 йилда ушбу кўрсаткич 15 936 сўмни ташкил этади.
Бундан ташқари, тез тиббий ёрдам марказларига 2018 йилда дори-дармон учун ажратилган маблағ 1,7 миллиард сўмни ташкил этиб, битта чақириққа 5 минг сўмдан кам бўлмаган миқдорда маблағ кўзда тутилди ва бу кўрсаткич ўтган йилга нисбатан 3 500 минг сўмга кўтарилган.
Вилоятдаги ОИВ инфекцияси тарқалишига қарши курашиш бўйича 2018 йил учун тасдиқланган чора-тадбирлар режаси асосида Сирдарё вилояти ОИТСга қарши курашиш марказининг поликлиникаси ва эпидемиология бўлимлари жойлашган биносини ички қисмини таъмирлаш ва иссиқлик тизимини яхшилаш учун маҳаллий бюджет маблағлари ҳисобидан 400,0 миллион сўм маблағ йўналтирилади.
Шунингдек, чора-тадбирлар режаси асосида 2018 йилда ОИТСга карши курашиш маркази ва туманлараро ОИВ диагностика лабораторияларини ОИВ инфекцияси диагностикаси учун 3—4 авлод тест-системалари билан таъминлаш учун шартнома асосида тўлиқ маҳаллий бюджет маблағлари ҳисобидан маблағ ажратилиши кўзда тутилган.
Изоҳ (0)