O‘zbekiston Tashqi savdo vaziri Jamshid Xo‘jayev rahbarligidagi delegatsiya Qirg‘izistonga tashrif buyurdi. Bu haqda Tashqi savdo vazirligi matbuot xizmati xabar berdi.
Olib borilgan muzokaralarda 2018—2019-yillarda Qirg‘izistonga 50 million dollarlik yangi va qayta ishlangan meva-sabzavot mahsulotlarini yetkazib berish haqidagi shartnomaning amalga oshirilishi muhokama qilindi. Yanvarda 1 million dollarlik mahsulot jo‘natilgan.
O‘zbekiston korxonalari uchun ko‘mir yetkazib berish bo‘yicha kelishuvlarga erishildi. Qirg‘iziston tomoni O‘zbekistondan mineral o‘g‘itlar va kalsinatsiyalangan soda, shuningdek, o‘zbek seleksiyasi g‘ozasining elita o‘g‘irlari yetkazib berilishiga qiziqish bildirdi.
Qirg‘izistonda o‘zbek qishloq xo‘jalik texnikasi, avtomobillari, avtobuslari, kir yuvish mashinalari, PVX deraza va eshiklari va alyuminiy profilini yig‘ish bo‘yicha qo‘shma loyihalarni ishga tushirish, shuningdek, Bishkekda Artel Technical School maktabining filialini, O‘shda Mediapark savdo-ko‘ngilochar markazini ochish bo‘yicha chora-tadbirlar ko‘rib chiqildi. Tomonlar korzinka.uz savdo tarmoqlarida qirg‘iz mahsulotlari uchun zonalar hamda Qirg‘iziston supermarketlarida o‘zbek mahsulotlari zonalarini yaratish haqida kelishib oldi.
Izoh (0)