Rossiyaning Yekaterinburg shahrida 10—12-fevral kunlari o‘tkazilgan xalqaro tanlovda folklor yo‘nalishi bo‘yicha ishtirok etgan qoraqalpog‘istonlik Muhammad To‘rabekov Gran-pri g‘olibi bo‘ldi. Bu haqda O‘zA xabar berdi.
Muhammad shu muvaffaqiyati bilan 26-mart va 4-aprel kunlari Qrimda o‘tkaziladigan “Parij, seni sevaman” deb nomlangan 27-xalqaro bolalar va o‘smirlar tanlovining superfinal bosqichida ishtirok etish yo‘llanmasini ham qo‘lga kiritdi.
Qahramonimiz 1999-yilda Nukus shahrida tug‘ilgan. Shu yerdagi Yeshjan baxshi nomli bolalar musiqa va san’at maktabida o‘qib, ustozi Burkutboy Piyazovdan san’at sirlarini o‘rgandi.
U do‘mbirani ham maromiga keltirib chalib, qozoq xalq kuylarini ijro eta oladi. Nukus Madaniyat va san’at kollejida o‘qigan davrida ustozi, O‘zbekiston xalq baxshisi Tengel Qalliyevga shogird tushdi.
Hozirgi kunda Muhammad Ajiniyoz nomidagi Nukus davlat pedagogik institutida tahsil olmoqda.
Izoh (0)