Namanganda 4-fevral kuni boshlangan Qur’on musobaqasi bugun ham davom etmoqda, deb xabar beradi O‘zbekiston musulmonlari idorasi matbuot xizmati.
“Kecha Namanganda boshlangan qorilar musobaqasi sabab butun viloyatni, qolaversa, diyorimizning barcha hududini ilohiy fayz‑futuh chulg‘ab oldi, bayramlar va xursandchiliklar aslo to‘xtamayapti, zinhor to‘xtamasin ham. Hatto dam olish kunlari ham odamlarimiz Qur’onga oshno bo‘lishdi, uning fayzidan orom olishdi. Mana shunday shodiyona kunlar bugun ham Namanganda o‘z ziyosini taratishda davom etadi. Barcha-barchani Qur’onga bo‘lgan muhabbatini yanada sayqallashga da’vat etamiz”, — deyiladi xabarda.
Qur’on musobaqasini O‘zbekiston musulmonlar idorasi sayti “Muslim.uz” orqali onlayn tarzda kuzatib borish mumkin.
Izoh (0)