Tesla va SpaceX asoschisi Ilon Mask o‘zining Twitter’dagi sahifasida Boring Company kompaniyasining o‘tsocharlarini bojxonadan o‘tkazish borasida uning nomini o‘zgartirishga qaror qilganini yozib qoldirdi, deb xabar berdi “Gazeta.ru”.
“Ayrim bojxona xizmatlari ‘o‘tsochar’ nomli qurilamalarning o‘tkazilishiga yo‘l qo‘ymasligini ma’lum qilmoqda. Ushbu masalani yechish uchun uni ‘o‘tsochar emas’ deb nomladik”, — deb yozadi Mask.
Mask o‘tsocharni “haroratni oshirishga xizmat qiladigan qurilma” deya nomlash taklifini bildirdi.
Eslatib o‘tamiz, o‘tgan yilning dekabr oyida Mask The Boring Company’ning 50 ming kepkasini sotgandan so‘ng o‘tsochar chiqarishga so‘z bergan edi va u o‘z va’dasida turdi.
Izoh (0)