1-fevralning e’tiborga molik yangiliklari — “Daryo”ning kechki dayjestida.
1. O‘zbekistonda 2—3-fevral kunlari yomg‘ir va qor kutilmoqda. Bundan tashqari, tuman, kuchli shamollar va havo haroratining nisbatan pasayishi ham va’da qilinmoqda.
2. Iqtisodiyot vazirligi 2017-yilda shakar narxining qariyb 29 foizga oshganiga izoh berdi. Asosiy sabablardan tashqari yana bir qo‘shimcha sabab ham bor — hududlarda supermarket va gipermarketlar yetishmaydi.
3. Rustam Inoyatov senator etib tayinlandi. O‘zbekiston Milliy xavfsizlik xizmati sobiq raisi Rustam Inoyatov Prezident farmoni bilan Oliy Majlis Senati a’zosi etib tayinlandi.
4. Toshkent metropoliteni ilk bor yilni foyda bilan yakunladi. Va yana bir eslatib o‘tishdi — Yunusobod metrosining davomi 2019-yilda, Sergeli liniyasi esa 2020-yilda foydalanishga topshiriladi.
5. Toshkentda 14-fevraldan sovuq suv tariflari oshadi. Yangi narxlar poytaxt hokimiyati tomonidan tasdiqlangan.
6. Qozog‘iston havosi uchun “soliq” to‘lab, topib olgan 10 rubli uchun yig‘lagan o‘zbekistonlik muhojir hikoyasi. “Daryo” xorijda mehnat qilayotgan o‘zbekistonlik vatandoshlarning fikrlarini e’lon qilishda davom etadi.
Izoh (0)