1 февралнинг эътиборга молик янгиликлари — «Дарё»нинг кечки дайжестида.
1. Ўзбекистонда 2—3 февраль кунлари ёмғир ва қор кутилмоқда. Бундан ташқари, туман, кучли шамоллар ва ҳаво ҳароратининг нисбатан пасайиши ҳам ваъда қилинмоқда.
2. Иқтисодиёт вазирлиги 2017 йилда шакар нархининг қарийб 29 фоизга ошганига изоҳ берди. Асосий сабаблардан ташқари яна бир қўшимча сабаб ҳам бор — ҳудудларда супермаркет ва гипермаркетлар етишмайди.
3. Рустам Иноятов сенатор этиб тайинланди. Ўзбекистон Миллий хавфсизлик хизмати собиқ раиси Рустам Иноятов Президент фармони билан Олий Мажлис Сенати аъзоси этиб тайинланди.
4. Тошкент метрополитени илк бор йилни фойда билан якунлади. Ва яна бир эслатиб ўтишди — Юнусобод метросининг давоми 2019 йилда, Сергели линияси эса 2020 йилда фойдаланишга топширилади.
5. Тошкентда 14 февралдан совуқ сув тарифлари ошади. Янги нархлар пойтахт ҳокимияти томонидан тасдиқланган.
6. Қозоғистон ҳавоси учун «солиқ» тўлаб, топиб олган 10 рубли учун йиғлаган ўзбекистонлик муҳожир ҳикояси. «Дарё» хорижда меҳнат қилаётган ўзбекистонлик ватандошларнинг фикрларини эълон қилишда давом этади.
Изоҳ (0)