29-yanvarning e’tiborga molik yangiliklari — “Daryo”ning kechki dayjestida.
1. Muhojirlar hayoti. Rossiyadagi namanganlik bog‘bon: “Rossiyada 13 yil davomida qilmagan ishim qolmadi. Hatto cho‘chqa ham boqqanman”. “Daryo” xorijdagi vatandoshlar hayoti bilan tanishtiruvchi loyihani davom ettirmoqda.
2. Shavkat Mirziyoyev raisligida Qashqadaryo viloyati faollari yig‘ilishi bo‘lib o‘tdi. Prezident 29-yanvar kuni Qashqadaryodagi Xonobod aerodromiga tashrif buyurdi, Abu Muin Nasafiy maqbarasini ziyorat qildi, Qarshi tumanidagi fermer xo‘jaligida bo‘ldi.
3. Tatyana Karimova Islom Karimov bilan qanday tanishgani haqida gapirib berdi. Tatyana Akbarovnaning so‘zlariga ko‘ra, Birinchi Prezident gul sovg‘a qilishni xush ko‘rardi.
4. O‘zbekistonda tabiiy monopoliyalarning soliqdan qarzlari 455 milliard so‘m deb baholanmoqda. Qiyoslash uchun — bu summa 2017-yil birinchi to‘qqiz oyidagi barcha yuridik shaxslardan kelib tushgan soliqlarning 42 foiziga teng.
5. Osiyo chempionligiga erishgan o‘zbekistonlik futbolchilarni yangi Malibu’lar kutmoqda. Osiyo chempionati g‘oliblarini Toshkent aeroportida O‘zbekiston bosh vaziri Abdulla Aripov boshchiligidagi delegatsiya kutib olgan.
Izoh (0)