“Manchester Yunayted” futbol klubi o‘z safiga chililik hujumchi Aleksis Sanchesni qo‘shib oldi. Uning evaziga “Arsenal”ga yarim himoyachi Genrix Mxitaryan berildi.
Sanches 2014-yilning 10-iyul kuni “Barselona”ni tark etib, londonliklar bilan shartnoma imzolagandi. U o‘tgan vaqt davomida “Arsenal” bilan 5 ta sovrin yutib oldi: ikki marta Angliya Kubogi g‘olibligi va uch marta mamlakat Superkubogidagi muvaffaqiyat. Biroq Sanchesga APL chempionligi va xalqaro maydondagi sovrin nasib qilmadi.
Izoh (0)