Eronning eng yangi va yirik harbiy kemalaridan biri — Damavand fregati ikki qismga ajralib ketdi. Biroq mamlakat rasmiylari kema yengil shikastlanganini da’vo qilmoqda, deb xabar beradi “Sinxua”.
10-yanvar kuni Eron harbiy-dengiz kuchlarining Damavand fregati noqulay ob-havo sharoitida Kaspiy dengizida, Bandar—Enzeli port shahri yaqinida to‘lqinqaytargichga borib urildi. O‘sha kuni to‘lqinlar balandligi 4 metrga yetgandi.
Hodisa oqibatida 6 kishi bort ortida qoldi. Keyinchalik 3 dengizchi halok bo‘lgani ma’lum qilindi.
Ma’lumot uchun, Damavand 100 metr uzunlik va 1300 tonna suv sig‘imiga ega. Fregat Eron harbiy-dengiz kuchlari tarkibiga 3 yil oldin kirgandi.
Izoh (0)