Isroil halok bo‘lgan 3 nafar iordaniyalikning oilalariga 5 mln dollar tovon to‘ladi

Isroil rasmiylari Iordaniyaning halok bo‘lgan uch fuqarosi oilalariga tovon tariqasida 5 million dollar to‘ladi. Bu haqda “RIA Novosti” xabar bermoqda.

Gap o‘tgan yil iyulida Isroilning Ummondagi elchixonasi qo‘riqchisi yuzaga kelgan janjal tufayli otib tashlagan ikki kishi va 2014-yil martida Isroil chegarachilari tomonidan o‘ldirilgan iordaniyalik sudya haqida ketmoqda.

Har bir oila 1 million 650 ming dollar atrofida olgani bildirilmoqda.

Isroil bosh vaziri Binyamin Netanyaxu devonxonasiga ko‘ra, Tel-Aviv Iordaniya rasmiylari bilan o‘sha voqeadan beri ishlamayotgan Ommandagi elchixonasi faoliyatini tiklash haqida ham kelishib oldi.

Ma’lumot uchun, Iordaniya Misr qatori Isroil bilan diplomatik aloqalarga ega ikki arab davlatidan biri hisoblanadi.