Islom Karimov nomidagi Toshkent xalqaro aeroportida “O‘zbekiston havo yo‘llari” milliy aviakompaniyasi mutaxassislari hamda Arcos Jet va Bombardier Business Aircraft kompaniyalarining vakillari ishtirokida uchrashuv bo‘lib o‘tdi. Bu haqda aviakompaniya matbuot xizmati xabar berdi.
“Tadbir doirasida hamkorlik aloqalari muhokama etildi. Dastur davomida Bombardier samolyotining Toshkent uzra parvozi namoyish etildi”, — deyiladi aviakompaniya axborotida.
Yurtingizga ilk bora kelishimiz va “O‘zbekiston havo yo‘llari” bizni taklif etganidan behad mamnunmiz. O‘ylaymanki, biznes-aviatsiyani rivojlantirish borasidagi hamkorlik aloqalarimiz yaqin istiqbolda o‘zining ijobiy natijalarini beradi.“O‘zbekiston havo yo‘llari” vakillirining ta’kidlashicha, Arcos Jet va Bombardier Business Aircraft bilan hamkorlikdagi loyihalar O‘zbekistondagi va xorijiy tadbirkorlarga mahsulotlarini tashqi bozorga olib chiqish va yangi biznes hamkorlarni topish masalalarini tezroq hal qilish imkonini beradi.Faoliyatimiz asosan, samolyotlar oldi-sotdisi bilan bog‘liq bo‘lsa-da, biznes-aviatsiyasi bozorining boshqa — havo kemalariga texnik xizmat ko‘rsatish, ekipaj a’zolarini tayyorlash va ularni huquqiy jihatdan muhofazalash, shuningdek samolyotni sotish yoki ijaraga berish jarayonida yuzaga keladigan lizing, sug‘urtalash, moliyalashtirish, taxminiy narxni oldindan belgilash kabi turlarini ham muvaffaqiyatli o‘zlashtirishga erishganmiz.
Valeriya Kolyuchaya, Bombardier Business Aircraft’ning Sharqiy Yevropa, Rossiya va MDH bo‘yicha mintaqaviy vitse-prezidenti
Bu O‘zbekiston aviakompaniyasi bilan birinchi ish tajribamiz, biz buni kelgusidagi hamkorlikning poydevori bo‘lishiga, mintaqadagi biznes-aviatsiyasining barqaror rivojlanishiga xizmat qilishiga ishonamiz. Hamma yerda bunday servisga talab bor va u o‘z istiqboliga ega.Uchrashuv davomida Bombardier samolyotining taqdimoti o‘tkazildi. Uchrashuv ishtirokchilari uning texnik xarakteristikalari va aviatsion imkoniyatlari bilan tanishdi. Muzokaralar natijasida “O‘zbekiston havo yo‘llari” va biznez-hamkorlarning o‘zaro harakatlari rejasini ishlab chiqish va tasdiqlash haqida kelishib olindi.O‘z navbatida, biz o‘zbekistonlik hamkasblarimizga havo kemalarini yetkazib berish va xarid qilishdan tortib, ularni ekspluatatsiya qilish va tijorat yuklamasiga qadar bo‘lgan yangi imkoniyatlarni taklif qilamiz. O‘zbek hamkorlarimiz bilan o‘z tajribalarimizni bo‘lishishga tayyormiz.
O‘ylaymanki, bizning hamkorlikdagi ishimiz xorijiy investorlarga va o‘zbekistonlik tadbirkorlarga mahsulotlarini tashqi bozorga olib chiqish va yangi biznes hamkorlarni topishga yordam beradi.
Mixail Alyonkin, Arcos Jet boshqaruvchi hamkori
Eslatib o‘tamiz, Prezident Shavkat Mirziyoyev Toshkent—Sharqiy aerodromi loyihasi bilan tanishish jarayonida O‘zbekistonda biznes-aviatsiyani rivojlantirish muhimligini alohida ta’kidlagan edi.
Mavzuga doir: O‘zbekistonda ishbilarmonlik aviatsiyasi tashkil etiladi
Izoh (0)