Ислом Каримов номидаги Тошкент халқаро аэропортида «Ўзбекистон ҳаво йўллари» миллий авиакомпанияси мутахассислари ҳамда Arcos Jet ва Bombardier Business Aircraft компанияларининг вакиллари иштирокида учрашув бўлиб ўтди. Бу ҳақда авиакомпания матбуот хизмати хабар берди.
«Тадбир доирасида ҳамкорлик алоқалари муҳокама этилди. Дастур давомида Bombardier самолётининг Тошкент узра парвози намойиш этилди», — дейилади авиакомпания ахборотида.
Юртингизга илк бора келишимиз ва «Ўзбекистон ҳаво йўллари» бизни таклиф этганидан беҳад мамнунмиз. Ўйлайманки, бизнес-авиацияни ривожлантириш борасидаги ҳамкорлик алоқаларимиз яқин истиқболда ўзининг ижобий натижаларини беради.«Ўзбекистон ҳаво йўллари» вакиллирининг таъкидлашича, Arcos Jet ва Bombardier Business Aircraft билан ҳамкорликдаги лойиҳалар Ўзбекистондаги ва хорижий тадбиркорларга маҳсулотларини ташқи бозорга олиб чиқиш ва янги бизнес ҳамкорларни топиш масалаларини тезроқ ҳал қилиш имконини беради.Фаолиятимиз асосан, самолётлар олди-сотдиси билан боғлиқ бўлса-да, бизнес-авиацияси бозорининг бошқа — ҳаво кемаларига техник хизмат кўрсатиш, экипаж аъзоларини тайёрлаш ва уларни ҳуқуқий жиҳатдан муҳофазалаш, шунингдек самолётни сотиш ёки ижарага бериш жараёнида юзага келадиган лизинг, суғурталаш, молиялаштириш, тахминий нархни олдиндан белгилаш каби турларини ҳам муваффақиятли ўзлаштиришга эришганмиз.
Валерия Колючая, Bombardier Business Aircraft’нинг Шарқий Европа, Россия ва МДҲ бўйича минтақавий вице-президенти
Бу Ўзбекистон авиакомпанияси билан биринчи иш тажрибамиз, биз буни келгусидаги ҳамкорликнинг пойдевори бўлишига, минтақадаги бизнес-авиациясининг барқарор ривожланишига хизмат қилишига ишонамиз. Ҳамма ерда бундай сервисга талаб бор ва у ўз истиқболига эга.Учрашув давомида Bombardier самолётининг тақдимоти ўтказилди. Учрашув иштирокчилари унинг техник характеристикалари ва авиацион имкониятлари билан танишди. Музокаралар натижасида «Ўзбекистон ҳаво йўллари» ва бизнез-ҳамкорларнинг ўзаро ҳаракатлари режасини ишлаб чиқиш ва тасдиқлаш ҳақида келишиб олинди.Ўз навбатида, биз ўзбекистонлик ҳамкасбларимизга ҳаво кемаларини етказиб бериш ва харид қилишдан тортиб, уларни эксплуатация қилиш ва тижорат юкламасига қадар бўлган янги имкониятларни таклиф қиламиз. Ўзбек ҳамкорларимиз билан ўз тажрибаларимизни бўлишишга тайёрмиз.
Ўйлайманки, бизнинг ҳамкорликдаги ишимиз хорижий инвесторларга ва ўзбекистонлик тадбиркорларга маҳсулотларини ташқи бозорга олиб чиқиш ва янги бизнес ҳамкорларни топишга ёрдам беради.
Михаил Алёнкин, Arcos Jet бошқарувчи ҳамкори
Эслатиб ўтамиз, Президент Шавкат Мирзиёев Тошкент—Шарқий аэродроми лойиҳаси билан танишиш жараёнида Ўзбекистонда бизнес-авиацияни ривожлантириш муҳимлигини алоҳида таъкидлаган эди.
Мавзуга доир: Ўзбекистонда ишбилармонлик авиацияси ташкил этилади
Изоҳ (0)