Germaniyada mahalliy aholi hamda muhojirlar uchun konslagerlarga borishni majburiy joriy etish taklifi muhokama qilinmoqda. Bu haqda “RIA Novosti” xabar bermoqda.
Xalqaro ishlar va fuqarolar faolligi bo‘yicha davlat kotibi Sausan Shibliy shunday g‘oyani ilgari surdi.
“Mamlakatda yashovchi har bir kishiga hech bo‘lmaganda umrida bir bor konslagerga borish majburiyatini yuklash maqsadga muvofiq, deb hisoblayman. Bu bizga yaqinda kelganlarga ham tegishli. Konslagerlarga tashrif integratsiya jarayonining tarkibiy qismiga aylanishi zarur”, — dedi siyosatchi.
Qayd etish joizki, aslida bu g‘oya Germaniya uchun butkul yangilik ham emas: Bavariyada o‘quvchilar Daxau yoki Flossenbyurgdagi memorial komplekslarga borishni kanda qilmaydi.
Izoh (0)