AQSh ma’muriyati Aleksey Navalniyni Rossiya rahbarlari qatorida ko‘rishni istamoqda. Bu haqda Rossiya prezidenti Vadimir Putin jurnalistlar bilan uchrashuvda ma’lum qildi, deya xabar beradi Meduza.
Putindan Navalniyni prezidentlik sayloviga qo‘ymaslik to‘g‘risidagi Markaziy saylov komissiyasi qarori va bunga AQShning munosabati haqida so‘raldi.
“Mazkur shaxs saylovga qo‘yilmagan yagona da’vogar emas. Biroq negadir boshqalar haqida gapirib ham o‘tilmaydi. Bu AQSh ma’muriyati kimni yoqlayotgani, siyosiy sahnaga ilgari surib, Rossiya rahbariyati safida ko‘rishni istayotganligini namoyish etib turibdi”, — dedi Rossiya prezidenti.
Rossiya Markaziy saylov komissiyasi 2017-yil, 25 dekabr kuni muxolifatchi Aleksey Navalniyni prezidentlikka nomzod sifatida ro‘yxatdan o‘tkazishdan bosh tortgandi. Komissiya buni muxolifatchi sudlanganligi tufayli saylanish huquqi yo‘qligi bilan izohlagandi.
Izoh (0)