Shavkat Mirziyoyev: Agar Qur’oni karimni eshita olsak, eshittira olsak, elimizga nur keladi

5-yanvar kuni Toshkent viloyatida tashrif bilan bo‘lgan O‘zbekiston Prezidenti Shavkat Mirziyoyev xalq deputatlar viloyat Kengashining navbatdan tashqari sessiyasida nutq bilan chiqish qilgan edi. 6-yanvar kuni Prezidentning sessiyadagi chiqishi “O‘zbekiston 24” telekanali orqali namoyish etildi.

“Azon.uz”ning xabar berishicha, Prezident o‘z nutqi davomida O‘zbekiston bo‘yicha uch bosqichda o‘tkazilishi rejalashtirilayotgan Qur’oni karim musobaqasiga ham to‘xtalib o‘tgan.

Mana televizorda ko‘ryapsizlar, Qur’oni karimni qiroat bilan o‘qish bo‘yicha musobaqa qilyapmiz. Nimaga? Qur’onni eshitish, eshita olish yuksak ma’naviyat, ma’rifat. Qur’on hech qachon yomonlikka da’vat qilmaydi.

Agar Qur’oni karimni eshita olsak, eshittira olsak bu muvaffaqqiyat bo‘ladi. Elimizga nur keladi.

Shavkat Mirziyoyev, O‘zbekiston Prezidenti