Erondagi isyon namoyishchilar uchun muvaffaqiyatsiz yakunlandi. Bu haqda Islom inqilobi qo‘riqchilar korpusi qo‘mondoni Muhammad Ali Ja’fariy ma’lum qildi, deya xabar beradi “RIA Novosti”.
“2017-yil isyoni barbod bo‘lganini ma’lum qilaman. Namoyishchilar kam sonli bo‘lgan va butun Eron bo‘ylab 15 ming kishidan oshmagan”, — dedi Ja’fariy.
U Vashington, Tel-Aviv va Ar-Riyodni IShIDni Eronga qarshi gijgijlashda aybladi.
“AQSh, Isroil va Saudiya Arabistoni IShIDga qo‘poruvchilik faoliyatini yuritish uchun Eron hududiga kirishga buyruq berdi”, — ta’kidladi korpus qo‘mondoni.
OAVga ko‘ra, kamida 20 kishi Erondagi tartibsizliklar qurboni bo‘ldi. Oxirgi kunlar mobaynida Tehrondagi g‘alayonlar sababli 450 kishi qo‘lga olindi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)