Vatan himoyachilari kuni va Qurolli Kuchlar tashkil topganining 26 yilligiga bag‘ishlab Samarqand viloyati Kattaqo‘rg‘on shahridagi “Do‘stlik” sport o‘yingohida “Armiya va yoshlar” nomli harbiy-vatanparvarlik festivali bo‘lib o‘tdi. Bu haqda mudofaa vazirligi matbuot xizmati xabar bermoqda.
Olti mingga yaqin ishtirokchini to‘plagan festival-aksiya doirasida markaziy harbiy okrug tomonidan zamonaviy rusumdagi harbiy texnika va qurol-aslaha namunalari, harbiy ta’minotga oid ko‘rgazmalar, harbiy xizmatchilar ishtirokidagi ko‘rgazmali chiqishlar namoyish etildi.
Tadbirda ishtirokchilar uchun Kattaqo‘rg‘on garnizoni harbiy orkestri hamda shahar madaniyat bo‘limining konsert dasturlari namoyish etildi.
Izoh (0)