“Agropilla” mas’uliyati cheklangan jamiyatlari rahbarlariga avtomashinalar, pillachilik agronomlariga zamonaviy smartfonlar sovg‘a qilinmoqda, deb xabar beradi O‘zA.
“O‘zbekipaksanoat” uyushmasining matbuot xizmatining xabar berishicha, hozirga qadar Qoraqalpog‘iston Respublikasi va viloyatlardagi vakillarga 710 dona telefon bepul tarqatilgan, shuningdek, 142 ta xizmat avtomashinasi berilgan.
Misol uchun, “Vodiy marjoni” korxonasi o‘ziga biriktirilgan Uchko‘prik tumanidagi “Agropilla” rahbariga xizmat avtomashinasi, 9 nafar pillachilik agronomiga telefon taqdim etgan.
O‘zbekiston, Beshariq, Dang‘ara, Furqat, Qo‘shtepa tumanlari va Quvasoy shahridagi “Agropilla” tashkilotlariga “Nurli Tong Silk” korxonasi tomonidan oltita xizmat mashinasi va ellikta zamonaviy smartfon ulashilgan.
Izoh (0)