Odessa viloyatining sobiq gubernatori Mixail Saakashvili Kiyevning Oktabr saroyi binosi oldidagi to‘qnashuvlardan so‘ng miting va marshlar o‘tkazilishi vaqtincha to‘xtatilishini bildirdi. Bu haqda u yetakchilik qilayotgan “Yangi kuchlar harakati” partiyasi siyosiy kengashi a’zosi Ivan Lozovoy ma’lum qildi, deya xabar beradi “TASS”.
“Mixail Saakashvili marsh va mitinglar o‘tkazilishiga to‘liq moratoriy e’lon qildi. Shu bilan birga, partiya o‘zining muxolifat aksiyalarini o‘tkazishni to‘xtatmaydi”, — dedi Lozovoy.
Eslatib o‘tamiz, saroy oldidagi to‘qnashuvlar oqibatida Milliy gvardiyaning 60 nafar jangchisi jabrlandi, ulardan 15 nafari kasalxonaga yotqizildi. Saakashvili tarafdorlarining saroy shturm qilinishiga aloqasi yo‘qligini ma’lum qildi.
Izoh (0)